Die besprekingskantoor is oop Maandae tot Vrydae vanaf 09:00 tot 16:00.

Voorsien asseblief bogenoemde inligting met elke bespreking sodat ons vir u die regte staanplek kan toewys. Selfs waarmee u kamp is belangrik, bv. dubbel-as karavane kan nie op alle staanplekke pas nie.

Meer as een persoon werk met die besprekings en wanneer iets per foon bespreek word, is daar geen rekord om op terug te gaan nie, daarom is dit noodsaaklik om alle inligting op epos ge hê.

Ons ontvang baie eposse en oproepe elke dag, so partykeer staan eposse oor tot die volgende dag. Wees asb geduldig! Ons is `n werkende plaas. Ons sal poog om binne 24 tot 48 uur terugvoering te gee op navrae.

Wanneer u reeds `n faktuur ontvang het, gebruik asb die faktuur nr. as verwysing op elke betaling en elke epos, of wanneer u skakel. Sit die besprekingsdatum by navrae en veranderinge, dan kan dit baie vinniger gedoen word.

Vra beskikbare datums per epos aan en gee indien moontlik meer as een datum, dan sal ons na u terugkom. Hou in gedagte dat daar `n moontlikheid is dat datums intussen reeds gevul kan wees.

Maak asb seker van u datums voordat u bespreek (of een van u gesin nie reeds 'n ander afspraak het nie). Sit die getal persone op waarvan u seker is, want ons kan die getal nie verminder en faktuur verander wanneer u inboek nie. `n Administratiewe fooi van R80 sal gehef word vir veranderinge wat aangebring moet word op faktuur.

Slegs twee herinnerings sal uitgestuur word om laat betalings te voorkom. Gaste moet asseblief self rekord hou van hul betaaldatums op die faktuur om enige ongerief te vermy.

Almal wat inboek ontvang 'n inligtingsbrief met noodsaaklige inligting vir die naweek of week. Kontakbesonderhede van die persoon aan diens is hier beskikbaar vir enige noodgevalle.

Geen WhatsApp asseblief, tensy u glad nie toegang tot internet het nie, dan kan dit met die kantoor rereel word.