Kleine Paradys bied 'n wye verskeidenheid ontspanningsgeriewe vir die hele gesin!
Geniet ons warmwater swembaddens, groot buite swembad met glybaan, putt-putt, zipline, visvang en nog vele meer.
Ons goed toegeruste plaaswinkeltjie bied 'n groot verskeidenheid produkte met braaihout en ys ook beskikbaar.
Ons goed toegeruste plaaswinkeltjie bied 'n groot verskeidenheid produkte asook geskenke en speelgoed.
Al die noodsaaklikste items is hier beskikbaar; van melk en brood,
tot vleisprodukte en ys.
Braaihout is ook beskikbaar vir aflewering.
Sonverhitting gedurende die somer
Hierdie lieflike, groot swembad is 1,4 m diep aan die een kant en beskik oor 'n vlak gedeelte met 'n glybaan vir kinders.
Daar is 'n skadunet oor die kindergedeelte wat beskerm teen die son.
Geniet 'n heerlike swem in ons ruim binnenshuise verhitte swembad.
Die warm, helder blou water is ideaal vir swemgenot regdeur die jaar.
Die gebou is ook toegerus met ablusiegeriewe en warm storte vir jou gerief.
Watertemperatuur wissel tussen 33°C en 35°C.
Ontspan in ons kleiner, verhitte binnenshuise swembad met aangrensende borrelbad. Hierdie rustige area is uitsluitlik vir ouer persone gereserveer sodat hulle in stilte kan ontspan.
Borrelbad: 33°C - 35°C / Swembad: 30°C - 33°C.
Geen kinders en/of jongmense word toegelaat nie!
Sleutels is by die kantoor / winkel beskikbaar met inboek.
Ons ruim speelpark is omring deur 'n lieflike groen grasperk en
bied ure se pret om die kleingoed besig te hou.
Die speelpark beskik oor verskillende klimrame met glyplanke
wat onder skadunette is, asook 'n mallemeule, 'n pophuis en vele meer.
Kom loer gerus!
Geniet 'n gesellige rondte putt-putt saam met jou kinders,
familie en vriende onder die skaduryke bome.
Die putt-putt-stokke en -balle is by die kantoor te huur.
Moenie vergeet om te vra vir 'n telkaart nie!
Bring jou visstok saam!
As visvang jou passie is, dan is Kleine Paradys die ideale bestemming vir jou!
Die Bergrivier is volop met vis, waaronder Kurpers en Karp gereeld gevang word. Die dammetjie is ook beskikbaar vir hengel.
Basiese visvangbenodighede is by ons winkeltjie beskikbaar.
Kajakke is beskikbaar om te huur vir ons gaste wat die rivier wil verken.
Geniet die rustige natuurskoon en spandeer kwaliteit tyd op die water.
Gaste word versoek om hul eie reddingsgordels saam te bring.
Let wel - daar is 'n beperkte aantal beskikbaar.
Ons ruim lapa is beskikbaar om te huur vir groepsbraaie,
klein funksies en ander privaat byeenkomste.
Daar is 'n groot vuurput met braaigeriewe onder skadunette,
en is toegerus met 'n kombuisie.
Kontak die kantoor vir verdere inligting.